8 juin 2009

سياحة في قبائل سوس

*

--==*==--

سياحة في قبائـل سـوس

--==*==--

*

ترحيب

------------------------------
تانميرت إيرغان باهرا * * * إيما يحاضرن خوسايسا
أفولكي فلناخت إيمزوورا * * * أنماغ أنك العرف إيمكورا
أتاكمات أيداومن إيختلا * * * أسيعـر راتيتافت خ تيدوكلا
أسمون أوولاون خ الموحيبا * * * أسنوحيو خ أودماون أوريلا
أدنـك تيمديازين نتولغا * * * إيتميزار نخ كولو سوا
--==*==--
*
------------------------------------------
يقول الرايس الحاج بلعيد
--==*==--
كانا نغ آك إيركازن غ طيط مقورن
أوال إيعدلن لعيب أورات تينين
غلمواكين أولا إيغ نجمعا أولا أسايس
--==*==--
*
------------------------------------------------
--==*==--

سياحة في قبيلة أيت مزال

--==*==--

كلمات : محمد زلماضي المزالي

-----------------------

باسم الله كرا ايواليون * * أومديازفمايد إيزرين
أد نسلكم ما يتيونين * * ننزريت تيكليت ياضنين
نكاتين خ مايد ايزرين * * أورنسن ما يدان مايورين
نخالض غاسا توسنيوين * * نتميزارنخ لي جلانين
ستوفاوت واراتن كانين * * أسافو نلاخبار كوتنين
نحمد إيربي فتيقبيلين * * كولو تيلاخ سوتلنين
أيت باها ديمشكيكلن * * أيت والياض د ايكثيرن
إيلالـن د وادريمـن * * أيكونكا د ايكنيضيفن
أيدارنخ نقاند أتن نسين * * ايت مزال مدن مقورنين

إيسبابن تاوساننين * * إيمزوورا حاضرنين
تاروانسن نيكي ولا كيين * * ما يمقورن ولا ما يمزين
نراياون تودرت غزيفنين * * أتكيم تيفاوت إيتاسوتين
لاجدود نون لي زرينين * * لاثرنسن كولو ختاسكيوين
السلامة نربي رحمنين * * إي يأيت مزال تكاونين

تادولي تودرت داومنين * * إييركازن دتومغارين

تاشتوكت خ تقبيـليلين * * آرتاسكاين أوكرض نسنين
تادجارت نس ايمشكيكلن * * بيليليتن سنت ويدسوقنين
دارلعربا نايت باها * * أكادير وانكارف آر أفـا
تاكوت نس أيت فالاس * * إيلالن دار ثلاثا وناس
إيمي نتاقبيلت تيسكويال * * بلا نسدوقر أنزري محال
تيمزكيداواسيف تفـكا * * إيماران إيماسان د الطلبـا
تيمزكيد أوسرير ايمحضارن * * تسوفغ كرايكات اينمالن
تيمزكيد نسيدي اعمر * * الزاويت يان إيران أيزر
تكا الزاويت نتحزابت * * تيغري القراءات السات
إيشبورا، البروج، د إيكيدار* * كان غاسا ايسكي أوكايوار
موتن إيدبانسن فـلند تيلاس* * أرخلون إيغربان كرايكات آس
أكادير نايت مزال الخمسان* * أكادير نسيصيض واسيفان
أكادير نحروش إيغزرانان * * أكادير وانكارف إيفوسان
لالواح نسن سلهمالت لاحتن * * لاخبارنسن دان كراتسن
كامين ما دتاران إيماران * * أولا ما دتينين إيماسان
غيكا آدكانت كولو تيميزار* * ييليحاسن الكنـز أزرار
أنبدر مادياكورن لمواضيع * * نسوتلاسن خ كوز لاربيع
أنكيو، تيزكى خ تاكوت * * تافات، تولحاج خ تينسوفت
أيت علي ايبورك إيغزرانان * * أيت الطالب آر أيت عثمان
أنسفلد أورارن أوكضيض * * ختيغزا دورتان نسيصيض
توعشاق خ تمي وامان * * دار واسيف إيفلوجان
تيبركنيت أخ نماكارن * * إيغاراسن نتفراوتان
تاركا نيمي واسيف * * تسمون إنكيان أوجاريف
العين واوليز تزوزوا * * كسانت كيس تيزدوا
أينيون واسيف أودغار * * إينزراف خ أيت واسكار
تيغزا د تاركا واسيفـــان* * أسكلو ديجديكن أومرزكان
أنوعمران خ تافراوتان * * أكركم أسايس لخمسان
غ ايمزيلن د ايسلكان * * توكا ديسوي دوامان
أيت داود اوحماد أمالو * * الحـد تايرزا دوسكلو
أنزري تامادلت نتكاثرت * * نواتس تاسنفوت نتادرت
أورنحتاجا إي بيوكرى * * أنمال أردنلكم تكنزى
القبت أوسليمان ايخرازن * * أزوزوو نتاكوت ايفساسن
إيسافارن دار ايبرباضن * * أسبرك دار أيت وارغن
أدنك أورتان نتامجلوشت * * نزايد ستاوادا ستاكموت
أنساقسا ايكيدر ف تازولت * * نوريد تاكزين سواوغيولت
ألكام ن إيغزرانان أملن * * أسايس نتفراوتان إيفغلن
نوشكاد خ أيت عبلي * * إينبكيون س أكني نعلي
أنزر إيمولا نتوفاغو * * أولا لاصفيرار ايداوفنو
أناسي لاقدام س إيباليون * * نبدو غوساون إيمادليون
مليون ياتوي ياز إيتران * * إيسفورا فوزاغار آر أمان
أنفل تيمزكيد اوسرير * * إينا خنلا آر أيت يدير
أوكوك إيبـيد خواسيف * * تامدا تعمر تزري الصيف
العين نتوريرت تنكي * * تاوي توجرارت تيدي
أنموتي خ إيزوكاين * * ستيسواك ايبرشواين

أنساول في ايغاراسن * * ف ايمزييرن مرواسن

أغاراس نتيريت * * يوغد زود تاسفيفت

أغراس نتوبلخير * * يوتس إداوكثيـر

أغراس واياض * * آر أيت والياض

أغاراس نتاكوت * * إيفغ ستغرابوت

وين تانالت أقديم * * إيزري فايت وادريم

إيغاراسن ياضنين * * فوغن خ الاثنين

غ ايلالن دوفرى * * واتسناك بيوكرى

ما يسالان تيمالايين * * ها يافولكي ختكناتين
مايلان خيجاريفـن * * وانا يران تيولافيـن
لاوحاش نتاكانين * * كسانين كر تاداكين
لاطيار تمي أورتلان * * تيكوما آر إيوكنان
المعيشت خيكران * * تومزين دوامان
تاكناريت دوورتان * * تازارت دواركان
غيكاد أدكيخ أيان * * أوادا يران أييسان

--------------------------------------

--==*==--

كلمات : محمد زلماضي المزالي

------------------------------------------

--==*==--

سياحة في مدينة أكادير
--==*==--

أياكادير دلقصبت نس أوفلا * * * أيا جديك إيفولكين كر تركا

إيفكايك ربي تافوكت إيكنا * * * دو زوزوو دوامان دلهاوا

ديكونان ديملالن دتيكوما * * * لوطيلات رياضات د المرسا

أغرابو دينفلاك خ أونزا * * * إيويند إيمالاين د مارا يستارا

أغروض دتاغازوت أولا * * * بوقناديل الدو لقصبت أخيلا

لامر نربي إيصرف إيدا * * * إيكا سيباب أيعمر إيلما

تالبرجت تورريد غاسا * * * زوند تالي يومر ربي تفـتا

القصبت أوكادير أوفلا * * * تسلكم تاملايت سوفلا

فكان إيخربان نس توكا * * * نلاخبار نوزمز نس إيدا

يان تيزران إيقاند أيالا * * * راد نكينت والن سومطا

أمزروي نس خودليس إيلا * * * مقار تدلن ايزران ايقاما

ماتزري د لهول دتمنغا * * * ما فلاس إيتياران إيصحا

قومنت إيكلدان د الرما * * * نالسعديين إيخ نساقسا

حركن كولو سوس سوا * * * ساكنت فبرطقيز س إيخوا

إيقدر فلاس الباري الخلا * * * س لامر نربي ليخ ديوشكا

غيلاد س لهمالت تـدا * * * نوفـاد أورتكا ما نزرا

نتو ما تدفلن لاجدود نجلا * * * أيت سوس إيقاند أنجمعا

ما رانفل إيتاسوتين أزكا * * * مان أغكمي نقن إيخ أورنلا

إيما أكادير إيغير إيشوا * * * كل ما تيزران دارس إيعزا

سوق الحد إيسمنك إيغاما * * * تسمونت أينا ترا شاهوا

الباطوار أسايس أريادرا * * * أزمز نتسبابت أولا نتـا

تامالايت أكادير أمو تفكا * * * إيفرح سيمزييرن إيسمرحبا

--==*==--

كلمات : محمد المزالي

----------------------

--==*==--

سياحة في قبيلة أيت علي واعلا
--==*==--

السلام نربي فايت علي واعلا * * * مايلان ختاكوت إيدوسكا أوفلا
إيفوس تاصدميت أيت تيفاوت * * * إيزلمض تامازيرت توفلعزت
تاكوتنس أيت واسو دوفرى * * * أنبدو ستابيا تيفغلت اويحيى
مايلان خ ايت بازي آر تامكي * * * دأيت فاسك أراييض دوكني
أكادير أوزاغار أرتضهارن * * * يان إيران أكادير إيمغارن
تيمجيشت تيفغلت نبوامان * * * واوسرير تيفغلت الحيان
تيزي واعراب آر كولمان * * * تيفغلت نشيخ آر أفيكنان
أيت بويوسف آر واوكرت * * * أيت اوغيور آر توريرت
مانزان كولو أيت أمتيك * * * لاخبار نايت اميمزيرك
سلامنخ إي أيت إيغيل * * * أولا ما يسمون كرزيل
نوريد سايت اميفر * * * إيس هنان أيت انامر
لاقدام دار أيت ويديرن * * * نسوتل آر أكرض ازوغن
نسيوي أنزر تاكموت * * * أولا إيكنان نتامسولت
أدنك اكرض نتغزوت * * * نساقسا إيمينتنامروت
ماستنام أيت تيلزكيت * * * خوسبرك نايت تيفريت
ماقارن أولاون اموسول * * * تزايداس المحبة امتول
محفوظ المدرست نتغري * * * القرآن دالحديث إيحاضري
إيعوما الفرح كولو إيلالن * * * تيميتار خوكادير نتيسلان

--==*==--
كلمات : محمد زلماضي المزالي

--==*==--
---------------------------------------------------------

--==*==--

سياحة في قبيلة أيت توفاوت

--==*==--

باسم الله أباب إيكنوان * * * أولا الدونيت، نتا أتيكان

إلا الرجا أدنك أيت توفاوت * * * تاقبيلت إيلالن تيس مراوت

إيفوس نس أملن دتفراوت * * * لقبلتنس أيت عبدالله نسفاوت

تاكوت نما يرور أوجاريف * * * أسيف دلكست ايداكنيضيف

إيغنرا لاخبارنس إيخصا * * * أنسين إيسبضان مناصا

لمواضيع إيسموناتن أفراواد * * * دويياض موناك خيميسياد

إيغاراسن أوغدن واناتريت * * * إيسنبضاتن آك وين تيريت

نلكم تيمزكيد نسيدي مزال * * * أنسماقل توريرت أوازال

أنزري فوانو د تيواركين * * * أيت بودرق آر أفتازارين

إيستاهلا أدنك تيزكزاوين * * * ناون آر تيزي نتارقاتين

إيساوكان نتاناي تاليضل * * * ديكالن أوكرض آر اكتل

أورينتيلن إيكنان إيخولان * * * أولا دتنزار آر اينجارن

إما تاكموت نايت توفاوت * * * تاحوزيت اورد ما د تتاوت

تالمست دوتنزار ووغي * * * تمكرازت دووالوس تيودقي

إيمريريس ران أتزرين * * * لاحباب كولو رجانين

السادات يان أي يضفور * * * أتنياف خلمدرست نتزفور

إيد باب نتمازيرت أوكني * * * أولا تاقبيلت كولو أوجادني

أنبدر الشيخ سيدي مزال * * * لي ديفلن تيرا دواوال

أيور أيكا، كر الصالحين * * * نالطلبا كولو أولا إيعامين

أولا العلماء د ماكيسني * * * المجاهدين كانين تافوكتي

سيدي بلقاس الصالحي * * * سيدي احمد أوحوزي

سيدي عبدالله الاكتلني * * * سيدي ابراهيم التوركني

سيدي محمد أوتارقاتين * * * الرحمت نربي فالصالحين

--==*==--

كلمات : محمد المزالي

--==*==--

-----------------------------------------------

--==*==--

سياحة في قبيلة أيت باها

--==*==--

باسم الله أنساول فيات تاقبيلت * * * أيت باها لي ورين تك لمدينت

إيخ ييتساقسات أومان أتكيت * * * أزور نايت باها ليخ كيت

تامسرست إيقبيلن تاقديمت * * * سوق إيزوارن خ تمازيرت

خكر أشتوكن تمون نيت * * * لاصل نس أيان توسيت

رمين لاسواق أورترميت * * * طوزومت أودرار أخ تليت

الحد دلعربا نتان نيت * * * ثلاثا أياد تكا سموتينت

ما يزري دلومور سول نيت * * * ما يصرف ديسبابن د تلامينت

القيود إيرومين كامينت * * * أداغدن سلبيرو أوينت

نغين إيركازن أسينت * * * سرسن العسا ختقبيلت

لاحوال نايت باها أتن تسينت * * * أيت مزال توركزا غيكليت

إيمشكيكيلن العز د نييت * * * أيت وادريم لامان إدر نيت

لمواضيع تلا تيباروين * * * أسديم دورتان زكزاونين

أوخريب إيحاداتن أورنتيلن * * * تامغدود تيكوما مقورنين

أدوز أكتاي نتـيقديمين * * * السوق أبراز نويد سوقنين

الجامع الرياضات فولكينين * * * أيت بلقاسم السوق آدوسين

القصبت لاحت كر تادوارين * * * لاطرنس إيكا كرا ياضنين

أيت باها كيـين أييـوين * * * لعمارت د تووري كوتنين

تكيت تاكوست ن ماقارنين * * * إينمغورن دلجميعت ديمخزنين

--==*==--

كلمات : محمد زلماضي المزالي

--==*==--

-------------------------------------------------

--==*==--

سياحة في قبيلة أمــلن

--==*==--

باسم الاله نكا وينس * * * الرحمت كولو تكا تينس

يومر ربي أن نسين * * * تاجديكت نتقبيلين

أملن إيرات كويان * * * أوركيس أودان وسان

إيكات ربي د غيكاد * * * تازرورت منشك أياد

تافراوت تكا غساد * * * أسايس نتيمزار آد

تسووتا كر تيقبيلين * * * أفلاس نفك تيفاوين

أيت عبدالله خلقبلت * * * إداوسملال تضفرت

أيت توفاوت إداكنيضيف * * * أيت صواب خوافوجاريف

إيفوس أيت تمازيرت * * * أمانوز أولا تاسريرت

السوق آخ يادا يان * * * أيسن ماني كولو كان

إيغاراسن فكينك إيوياض * * * أرديلكم أكرض أوضاض

اينضفار أوغاراس آر أداي * * * تافت المكان خوفلا واداي

نكشم الحوروم نتمكيدشت * * * أوريحودا الخير خ تكضيشت

إيكمل الرجا أدنك إيغالن * * * سلفرح أركولو تازالن

إيمطاون أدلوحنت والن * * * سومارك نايت الديملالن

إيخ ايساول ايمنو فأسكين * * * فاتنضامخ تكات تيزركين

طرخا الزيارت ستاسريرت * * * أكوصوخ أورتفلت تانضيلت

صفان وامان نتامالوكت * * * ميمن تيلواز ن أومروكت

تاهالا لفرح ايبيداس * * * أمودو سرس ولابدانس

يان دور ايكان أكلز * * * تاملايت نس راطرز

ييوي ياخد واضو * * * أنزور تي واضو

ما رانسكر أنبضو * * * دمايلان خ أوزور واضو

ضيف الله أيت منصور * * * ويلي سنخ نرا أتنزور

نجلا فلاون أيت أوسكاور * * * مان تيكوما خور نكاور

نزري ياواس خوفلا ايغير * * * دونامر ايس كينكي الخير

أومسنات نتيمسوسين * * * إيمي نتيزغت نتينضامين

أيت أوسيم نتيزرارين * * * أيت أنيل نتولغاتين

سيدي عبدالجبار إيلا كيس * * * كر الصالحين ياستواكيس

الجواميع نسن عمرن * * * سمون ميدن نماقرن

أملن الزرين أزمز كوتن * * * خ العلم ربي إيحوبوتن

تسمون كولو ميدن عدلنين * * * يان تنيزران إيقاند أدورين

--==*==--

كلمات : محمد المزالي

--==*==--

---------------------------------------------------------------------------
*
--==*==--
سياحة في قبيلة إداكنيضيف

--==*==--

لاخ ايخلقن إيك الوحيد * * * باسم الله أيكان الجيد

نايتماتون أودرار دواسيف * * * السلام فلاون إداكنيضيف

الزيارت تحلا خانموكار * * * إداكنيضيف خوافودرار

إيفوس، الكست دتفراوت * * * القبلتنس، أيت توفاوت

إيزلمض إداوكثير دايت علي * * * تاكوتنس إيساكن د تيدلي

لاصل نكول يان إيلا فلاسن * * * إداكنيضيف كان سين ايفاسن

أفوس واشتوكن أسيفاد * * * أفوس إييلالن أفاياد

الغنباز أومليل ستاحكات * * * نيويد الحباقت ستابنونات

أولا إيجديكن نتينزاض * * * إيرا وولينو الدوضاض

نضفارن آر أفراض * * * ايجديعن د ايزنكاض

ويس سين إيغير إيفران * * * الديغير إيفران ويسيان

إيلا الخير دار تيزركان * * * يان ايروفان داروامان

آر أسنفو دار إيعدلان * * * إيموروين أورا تكمالن

يان كيتسن اكدامن * * * الخمس نتقبيلت إيخالدن

أفولكي إيلا ختيفراضن * * * إيرغ ايكا وايكرامن

د تيكيساس د ويتووروين * * * أولا أسندرار د ايمحيلن

إحواشن خ إيزعراين * * * الدرست خ إيزوكاين

إجماكن خ تاوريرت * * * إيموريكن خ تاكاديرت

أفولكي دار تيزيرت * * * إيجديكن دار تاريكت

العين دار تيوليت * * * امان دار تاسكينت

تازكزوت دار توشنت * * * الغلات دار تيفغلت

ماتخيارت دار تاغزوت * * * الفرح دار تالكزوت

دأيت بوست آر تيدلي * * * أنزري س ايمي أوكني

دأيت بولحاج آر تاسيلا * * * نرا الموضع آر تيغزا

أدارنو، ماداو، دولمــا * * * أيت العالم آر تاسكرا

نمون آر إيمي أوكلاكال * * * أيت ابرايم آر إيوال

هان الخاطر أس تمقور * * * أيت امزيل آر تمغور

إيلا أومارك خويوفيس * * * تلا الصاحت خوسغركيس

خ إيفولوسن دار الخميس * * * يان الصالح نسيوي سيس

ماختلام تالات موس * * * سيدي مسعود أفولوس

أكادير د تمزكيدانس * * * كمزت ديشبورانس

الزاويت دوكادير نس * * * سيدي يعقوب دالقبت نس

توفا أفولكي دار المعبود * * * هان إداكنيضيف أر تجبود

--==*==--

كلمات : محمد المزالي
--==*==--
-----------------------------------------------------

--==*==--
سياحة في قبيلة إيداوسملال
--==*==--

- - - - - - - - - - - - - - - -
كلمات : محمد المزالي
- - - - - - - - - - - - - - - -

باسم الله أسرانبدو * * * دار أيتماتنخ أسراندو
أنمودو سيداوسملال * * * سوق الجامع آر إيحركال
تيسكراط نـتيقبيلين * * * نيداوالتيت تايتماتين
إيداوباعقيل أورياكوك * * * منادنس إداورسموك
أغاراسنس إيلا فتيغمي * * * يونف يتميزار أونزي
إيحادا أدرار وافود * * * إيان إيران أيا فوض
نزور تيمزكاديوين * * * تيماتارين تيقبورين
نكد إيدغارن فولكينين * * * ناويد كيس تيمكتايين
أورنتو الخمس نيت عباس * * * دتيدلي ديغالن نايت عباس
دمايزدغن خو مرزكان * * * د ما يتحراكن خ ايكران
أيتماتنخ غ أيت ورحمان * * * دوكني كلفان آر تيزغران
سلام نربي أيلكم أيت عبل * * * الزرينت إيايت همو أعبل
ناون إيتمبزار نتازمورت * * * د الشرفا كولوتن خ تازموت
مانزاكنين أيا يايت إفسكارن * * * دلاخبار نتوريرت إمغارن
إيسيعوما الهنا تخفيست * * * أولا تفرست دايت تمخست
مانزان إكنان نتكردشت * * * أولا إيكران نتكضيشت
الله يعاون أيت علي وعز * * * إيسيزوزوا تيزي أوسلز
أنسرس لاقدام خوزور أوليلي * * * أولا أكني حراش آر تيدلي
نزايد آر أنامر أوليلي * * * أيت مولاي دوانامر نتلي
أن ساقسا ختكضيشت نتولي * * * إيسيهنا ايراحا يا إيلان خفلي
إيسكانيخ أتوريرت نتكرامت * * * ماختلام أيا أيت إكر نتزمامت
نراكونين أيا يايت عروس * * * دما يسمون أكرض ولوس
أرسرون نسيوي تيزي مشون * * * أكونزر د توريرت أوزلغون
نرا أدنزور أيت ييلين * * * نزر تادوارين نتمليلين
إيس إيعمر أكني ياسين * * * إيسبيدن إيغربان نتدرين
إيس حاضرن تيزي نتكضا * * * أورنسن إيسهنان إخنوفا
رواح دار ويدنسين خ ألما * * * دي إيمدوكال أوكني وباها
د الأحباب خ تلبرجت * * * دما يعزان خ تغزيفت
د أيتماتن خ تفنكركت * * * د مايلان خ تكترت
ماختلام أيت تغنيمت * * * إيساختكتيم أ ترغنت
هاياخ أتيزي نتوييت * * * نوسيد تاوادا ستوييت
نصرف س أيت بنعد * * * أدساولن د إيسلي الحد
مايران أدي مون آر تق * * * يان دار كماس غ تزوزق
نمون دايت أزور أزر * * * نسليد أيت تمازيرت إيكر
نوسي سا أيت عضي * * * تاراكت دا ايت عدي
د تمازيرت نايت وحي * * * تكرا كيس نايت أولعسري
إيغير آر تيزي كيار * * * أحنضورن ضوفن خوشبار
أيت بولبرج آر أمعزوز * * * إيمي نتالات أر دو تكنز
وأمنر وسيف آر أيت شرع * * * أزور أودرك آر الجامع
اللوح إوغفيس آر إيمجاض * * * تلوى آر تكنت إيكضاض
تزلزم أكني آر نزونتل * * * أسول كريحلون نسوتل
أكني وشن آر العرب إمزيلن * * * أسنفو خوزور نايت لحسن
غيكاد أيكان تامالايت * * * يان إيران صاحا نتاكتايت

--==*==--

كلمات : محمد زلماضي المزالي

----------------------


--==*==--

سياحة في قبيلة توفلعزت

--==*==--

باسم الله أما تسحاضرت * * * دما ستادات إيخ راتساولت

يا واوال فلام توفلعزت * * * السلام إيعزان نخ تومزت

أرتينين ف سنات فرقنت * * * يات أكزمير طاياد جمعنت

إيسندالن إيزلمض وولونت * * * علي واعلا ختاكوت موننت

إداوزكري تلا خلقبلت * * * إيدوسكا خيفوس عمرنت

أيت واسو ولا تاسكدلت * * * لاصلنس إيلا كراتسنت

سيدي زكريا تكا المدرست * * * نتيطولبا دلحضارنسنت

أنبدو خلمواضيع ستانمرت * * * نزر مايلان ختيندرنت

أنصرف سايت تيبريويت * * * إيسعوولن أكرض نتوريرت

تادوارين ملولنين نسينت * * * تاشرافين فولكينين بيدنت

ما تسمون نلاحباب تكنيت * * * دميدن عدلنين ختمجيشت

أيت براهيم اوداود نسنت * * * أيت وازال كان ما فتعولت

السري لوشارت لوحنت * * * إيسمنس فوكادير كابلنت

أنامر دايصويري دارسنت * * * الخير ايعوما تيكما نسنت

تيوليون ديمعزر حاضرنت * * * تاكراكر د أنيف نراتنت

إيجموعن فأمضوص كوتنت * * * العيوب فتنكضوط فوغنت

تيطينو فدوتلاغ لوحختنت * * * تاملايت ختوفلعزت كملختنت

---------------------------------------

--==*==--

سياحة في قبيلة أيت والياض

--==*==--

*

السلام نربي فايت والياض --==*==-- ما تسمون ن لاثلاث سكراض

إيخ نحتاجا أد نموري --==*==-- أنسلكم لاقدام س كوري

المدرست مقورن خ تينودي --==*==-- نسيدي ابراهيم أو امحمدي

أنزور أيت أوماسين --==*==-- ويكرامن أولا ويعامين

إيخ تلكمت تيزركين --==*==-- تيغزا دواسيف إيفولكين

ياتوي أفا نأيت لامين --==*==-- أستوان خيمولا نتافاتيـن

أرنتاناي إيكران إيصميحن --==*==-- خكر توكا ترسن إيتبيرن

تاركا والياض دار تاكوشت --==*==-- تويت دلكست تسمونت

إيكران دوامان نتمجلوشت --==*==-- كويان إيكابل أيدانس إيضوفت

كومبارك إلا ختاكوت --==*==-- خوفلا نس تلا تاسنونت

طوزومت هان ألانفوكت --==*==-- أسديك يان دار سول لوقت

أولا لمقام ن سيدي ايبورك --==*==-- ما تلكم توفاوت نس ياكوك

خواف اوجاريف تامزووط --==*==-- أساون نس إيمنعا نكصوط

إيما تادوارين نتالميط --==*==-- إيلا كيس ما تزرا تيط

يات خيضوران تيمزمزيت --==*==-- تفجيج تاستوا تعدل نيت

أركان داللوز دتكناريت --==*==-- دلغلات خ إيمولا نبعريت

إيمي الكسات دار إيمغراس --==*==-- أولا إيدرارن هان أغراس

المدرست تاقديمت أوسغركيس --==*==-- الطلبا د شرفا لان كيس

سيدي بوعز إيكا أسايس --==*==-- ن اينموقارن د الروايس

خ الدو توجرارت تيفغلال --==*==-- إيمي أواكال نايت مزال

وانا يران إيمي واول --==*==-- إيكوت ما فرا نساول

خ أيت علو برايم إيفغل --==*==-- افولكينس إيفليي بلا لعقل

إيقاند أنسين إيكوركار --==*==-- دلبروج أوكادير أونكار

إيخانساول ف أسلدرار --==*==-- لخيار لمواضيع نودرار

إيسوكان نيخ أيت إيغير --==*==-- مولانا إيفكاسن الخير

ما تدينين أيت تاوريرت --==*==-- هان أمودو سدارسن ريخت

لاحباب نخ دار إيلماتن --==*==-- دايت حساين كان أيتماتن

كدا نيان أوريسين ألكاشا --==*==-- حاضرن إيدبابنس خ إيناكا

أفوس نتقبيلت واياض --==*==-- خوزاغار نايت والياض

لاصلنس المجاهد أوعبو --==*==-- والي كامين فرنسا أتنتربو

أجينت داحمد الهيبة إيدو --==*==-- دالمجاهدين حركن فالعدو

إيفـلد تاروانس كولو --==*==-- خ إيداوامحمد داربي إيفتو

القبت نس خ الروض توولو --==*==-- الصالحين أركا تسكلولو

أيت والياض كر إيبودرارن --==*==-- أشتوكن كيس أخ نماكارن

--==*==--

نظم : محمد زلماضي المزالي

--==*==--

*

-----------------

* * *

--==*==--

سياحة في قبيلة إداوكثير

--==*==--

السلام نربي أخيلا لخير --==*==-- أتنهدو كولو ايداوكثير

ميدن نس خكاد هنان --==*==-- لوقر نسن أس عزان

لاشياخ د الطلبا ن تيان --==*==-- الكتوب أخ تنيزرا كويان

ستاهلان ايساقسا يان --==*==-- دار السوسي أخ تياوسان

لكتاب نس إيكا الديوان --==*==-- ن ايماسان ما غوراران

سعيد الشريف أراونسن --==*==-- خ بيوكرى تلا لقبت نسن

إيقوم تيغري لمدرست نسن --==*==-- كادا ما يسوفغ نطلبا نسن

إيكا توفاوت إيما ياكوكن --==*==-- إيداوامحمد آر أشتوكن

دار تيريت أفا نباحسون --==*==-- الدو توجرارت تلا صمدون

لماكان ن شرفا توزامر --==*==-- تاكاتين عزانين أس تعامر

أكويلال الدو تاجكالين --==*==-- تازكا خوافـا ديفرنين

السوق ن ثلاثا نتاليضل --==*==-- خو غاراس نتسيلا أورينتل

سموتين السوق إيبدل --==*==-- إيدا س تاكوشت إيتـفل

تاوادا آر إيغير اينوالن --==*==-- إيلا كيس ما دزرانت والن

يان ايران أيزور أنمس --==*==-- أوريمرار إيفكاس لوقت نس

تيفغلت خ تقبيلت سنات --==*==-- تين عنكوش كيسنت يات

إيسمنك ألموضع ن تينمليل --==*==-- كيس البركة دلفال أومليل

يات الساعت نفكات إيموكني --==*==-- مقارناخ أيدارس سلفرحي

أفوس إداوكثير شهرن --==*==-- فاس لان كيس ضهرن

إيسمنسن أوريكا أغريب --==*==-- إيس كولو يعوما المغرب

*

--==*==--

نظم : محمد زلماضي المزالي

--==*==--

*

*
-----------------------------------------

*

--==*==--

سياحة في قبيلة أيت عبدالله

--==*==--

باسم الله أسيس نرزم أمدياز --==*==-- نهدو سيس إيجديكن د لغنباز

السلام نيويتيد سايت عبلا --==*==-- دما يسوتلن إيسبت خوفلا

أنبدو خ لمواضيع امزوار --==*==-- أديك خ لمواكين ماس نزوار

يان إيكان أعشاق ن أساكا --==*==-- هان إيزرا غين ربي ما يفكا

وانا يران الخير هان ازكور --==*==-- مش لاطموع أتن اوريضفور

لعتوبات ديماون نبوكزول --==*==-- زرين نعمت زايد نيت سول

إيحواشن نوفاتن دار والوس --==*==-- دي ايماسن دالرش سوفوس

تامونت تكا تين تاساكات --==*==-- كول ما ترجيت كيس تفكات

أرتومالخ أفاتن نتازالاغت --==*==-- المعدن نس لوقت تكساخت

أيت الموحيبا خ تاكاديرت --==*==-- ساقسايات تاسا ما تريت

لوح طيط خ تيزي ايمليل --==*==-- أمارك نس أر ايسيحيل

ناواخ أدنك تيزي نبرور --==*==-- ميش رايي تاوي لعقل ترور

مانزان إيكويلالن خ تيداس --==*==-- ما نيكان إيجديكن خ ايفسفاس

ايهواوين أرتيريرن دار تيتكي --==*==-- إيعشاقن آر تمون دار تيولي

إيضفار لغرض أنزور أسدرم --==*==-- نحاضر خ اينموقارن ن زغنغم

إيما الزين نايت أورغيس --==*==-- تايري نسن تكا تينس

أمارك ن أيت اوكرماض --==*==-- الخاتم إيخ إيلا خوضاض

الخاطر أوفيخت دار أمكرز --==*==-- إيكوت ما نوفا كيس نلعز

ييوييي أوغراس س أزغاغ --==*==-- إيكامي أمارك نس أداغ ايفاغ

أيت عبدالله أسايس إيموريك --==*==-- الدرست دواوال إيلان أتيك

--==*==--

نظم : محمد زلماضي المزالي

--==*==--

*

------------------------------------------

*

--==*==--

سياحة في قبيلة أنمالوس

--==*==--

كلمات : محمد زلماضي المزالي

*

نيويد السلام إي انمالوس --==*==-- مايعزان ن تيدلي خ ايفوس

ما يتياران فلاس سوفوس --==*==-- ما دنان فلاس أور ايدروس

السوق ن الجامع ن تاكوشت --==*==-- الدو الكست تدلن ف تافوكت

أمزوارو لمواضيع إيكمضان --==*==-- طوزمت نسن هان تيغرمان

أونيخ أيت مسعود هنان --==*==-- برمن تادوارين أستوان

أنساقسا إيكيدر في ايفرنين --==*==-- ما منك رانلكم تاجكاليـن

ما دوفان إيزنكاض خ ايغيل --==*==-- كسان أوفان خ ميدن أجميل

إيتبيرن خ تافات أرتايلالن --==*==-- إيلا الصفا خيكنوان ديكالن

خ الدو الكست تلا تاكاديرت --==*==-- إيجاريفن أوكلن أور تلكيمت

أودادن أرترقاصن كر ايسلان --==*==-- كسان أوفان لهنا أركلان

إيرا واضارينو تاوادا --==*==-- س تافيلالت تكا ما سنتدا

تيزي ن لاوليا د لمعروفنس --==*==-- تعمر كوياسكاس خلوقتنس

إيكا أنمالوس إيمي الكسات --==*==-- ما نترور تاكوشت هان نتات

*

--==*==--

o o o

o

--==*==--

سياحة في قبيلة إداكوارسموك

--==*==--

*

السلام ايتقبيلت ايرسموكن --==*==-- نماكنيران ايحوبوكن

تيسكراط ن ايولتيتن --==*==-- ايسملالن د ايباعقيلن

لاعلام نسن كوتنين --==*==-- خ اومزروي تاوسانين

ايلا باب نتينضامين --==*==-- كر ايماسان ما توريسين

سيدي احمد أوتاغاتين --==*==-- الرسموكي أفكان ايزلين

ايكان كوز نطماضين --==*==-- ف ليخ ايسول زرينين

تاقبيلت نسوس ايعزان --==*==-- تسمون كيكان ايضوران

بوكورا د أيت سليمان --==*==-- إزمازيل د أيت اولحيان

أعبدنعيم د أيت باحمان --==*==-- أولا القبلت إدبوركان

أيت وعزيز د إيقلالن --==*==-- القصبت د نبلوش إناون

إمي الخنك د إيزركين --==*==-- أزرو نايت إعز وياسين

الركين د بيشوارين --==*==-- تَكوت نتوررين

إتوابن د إشخنيتن --==*==-- إسمن د أيت وديرن

بورجايلات د تويريرت --==*==-- أيت صالح د تكاديرت

المحجوب د تكلموست --==*==-- واعمور د تكشوشت

تويزيكت د تزومت --==*==-- إدبوركان نتاكوت

أورير د تالعينت --==*==-- إفغل د أيت سملينت

أيت بريك د بوتركي --==*==-- أيلهو د سيدي الكراكي

الهري د أيت أوكني --==*==-- تشوارِيْت د وارحماشي

الفيض د أيت العريف --==*==-- مكوت د إكي واسيف

إسبويا د بونكارف --==*==-- ايت براهيم أويوسف

تمكرت د أيت إغيل --==*==-- ولا القصبت وامزيل

إنسكاس د بوزكار --==*==-- أفراك د تيكرار

عوجة د أيت ربا --==*==-- الركاينة د أفركلا

وانا يران ما يززرا --==*==-- خ إداورسموك أيساقسا

*

--==*==--

كلمات : محمد زلماضي المزالي

--==*==--

*

-----------------------------------------

*

* * *
o

--==*==--

سياحة في قبيلة تاسكدلت

--==*==--

*

السلام نربي فتاسكدلت --==*==-- خ أوقبيل ايلالن ضهرنت

سين ايفاسن أخ مونت --==*==-- يان نتاكوت يان خلقبلت

أيت عمرو يات كيسنت --==*==-- أيت لحسن تيسنات نسنت

لمواضيع توغاش دلقصبت --==*==-- أيت برايم اعمر دتيفغلت

أيت نيصر د أيت حمو --==*==-- أيت برك د اوباعتوتو

أيت يوسف دبيرعمان --==*==-- أيت باسع دايت وارحمان

أكوارن د تسيلا نطلبا --==*==-- أيت بومالك د ايت علا

أيت ايزيمر د ايشقما --==*==-- الشاحوض طرف ايكونكا

تيفشترار د اوكادير --==*==-- أيت عيس د أورير

ايمي الحد د تامحفوت --==*==-- تابنعيسات د تاسلومت

ايمعيسون د بويكريزن --==*==-- بيغندافن د تومليلين

ايكي فرض د تيمكراض --==*==-- ايمعيزن ديمي نتاكاض

إيكيدار نتقبيلت كراط --==*==-- تاسكدلت امعيزن طاعلاط

تيمزكاديوين سنات --==*==-- سيدي بوسعيد د تاعلات

*

--==*==--

كلمات : محمد زلماضي المزالي

--==*==--

*

----------------------------------------

* * *

*

---==*==---

سياحة في قبيلة أيت واسـو

---==*==---

*

السلام نربي فايت واسو --==*==-- تاقبيلت ايلالن دما توولو

نلمواكين د ما تسووتو --==*==-- ديفاسن سكراط كولو

ايحنكاس آر كواحننو --==*==-- أيت عمرو آر كواكو

د لفرقت نس ايخولان --==*==-- دما يلان خ أيت بيلالن

دما يزدغن خ ويغران --==*==-- دوكادير نس ويدوران

أيت داود د تيسكان --==*==-- ايفغل نحماد د أكركنان

تاكاوسات د بيكنان --==*==-- كوعبلا د ايت واحمان

لمدرست نسيدي بومهدي --==*==-- أولا سيدي الموذن نتيزى

أيت واعل د أيت أوكني --==*==-- أيت كوفغل د ايموكني

تيفساسن د بيكريزن --==*==-- ايت كروم د ايزريكن

ايمي نتزروت د أنبدور --==*==-- تاغزوت د أيت أوماكور

توريرت د أيت بوقدور --==*==-- يسمون أمزروي أقبور

تيمزكيد اوكادير --==*==-- أيت حمود د أورير

ما دسمون أيت ايكيا --==*==-- دما يكان أيت سبعميا

أيت بوداود د تاسيلا --==*==-- أيت علا د منشالا

أمكتاي ن توبكال --==*==-- أكادير ن توككال

تاكاديرت أوملال --==*==-- ولا ايت بن كزال

تانسغرت د تيمكراض ---==*==-- د تامكرط اوصياض

ازركفون د صضاط --==*==-- امرغدن د أيت مزاوط

أيت سعيد أويوسف د تاليل --==*==-- دماتيسانت خ امي نتيليل

تاكاديرت د ايت الحاج --==*==-- أيت تيمزكيد د تولحاج

سيدي موسى لمدرست --==*==-- توفاوت نيمي نسبت

*

---==*==---

كلمات : محمد زلماضي المزالي

---==*==---

*

---------------------------------------------

*

--==*==--

سياحة في قبيلة أيت أوفرى

--==*==--

*

ايسم نربي أسنبدا --==*==-- سلام ايتقبيلت أوفرى

طوزومت ايلالن أختلى --==*==-- أنزري مافلاس ايتيارا

تاراكت نخ نتولغى --==*==-- نتامديازت تستاهلا

سين ايفاسن أفتبضا --==*==-- أفوس يان وين أوفرى

أكادير ايغيل إيلا --==*==-- أكادير أوفرى دنتا

أونيخ تين أيت علا --==*==-- تلفوهارت تيلكاهيا

تاروا ن سيدي بومغي --==*==-- غيكلي نان ايموساني

لان كيس أيت بونيهي --==*==-- أولا أيت الحاج علي

كر ايكنان تيكيجوت --==*==-- كر ايكران تامنروت

كر واركان تاسوت --==*==-- كر اورتان أيت تكموت

ما يلان خ أيت ايغيل --==*==-- أمود ن تيزي ايمليل

أيت مسكوك بوتفوست --==*==-- الطالب واعزيز نتلبرجت

أفوس ياضن أومزاور --==*==-- أكادير نسن أومزاور

أيت واملن الدوكادير --==*==-- وولونتن أيت الخضير

ايستزرام توريرت --==*==-- بولعين د تامزاريت

مانزان ايغيل نحمو --==*==-- دما يكان تالات وانو

مارا نتينيني إيغجان --==*==-- ايخنساول فوافا ايكوراحن

تكاض د ايجورارن --==*==-- خ ايكي ايزيك نضفارن

أزبـك د توكريح --==*==-- أيت مبارك نالشيخ

*

--==*==--

كلمات : محمد زلماضي المزالي

--==*==--

*

---------------------------------

*

--==*==--

سياحة في قبيلة تاصضميت

--==*==--

*

السلام نربي دنييت --==*==-- ايتقبيلت نتصضدميت

أمود نايت ودارن --==*==-- خلقبلت كر ايلالن

لمواضيع نس دروسن --==*==-- أنبدو س أيت ووشن

سين ايكيدار تياوسان --==*==-- تاصضميت د تيسلان

هان تينزل واضو --==*==-- تيسلان د أيت ايليلو

تيمولا د أماوون --==*==-- ايغرم ايمي نتوزون

ازور نعل ما يسمون --==*==-- دوامان نلعين روون

تامكرط د تاساكات --==*==-- توريرت أولا تافات

تيمزكاديوين سنات --==*==-- سيدي عبدالمالك يات

تيمزكيد أوكادير نتات --==*==-- لمدرست لقران تكات

*

--==*==--

كلمات : محمد زلماضي المزالي

--==*==--

*

-------------------------

*

--==*==--

سياحة في قبيلة ايدوسكا ايزدار

--==*==--

*

سلام ف ايدوسكا ايزدار --==*==-- دوكادير نس اينومار

تكا ايدوسكا نتاسيلا --==*==-- ايزدار ايلالن أخ تلا

أولتماس أيلان خوفلا --==*==-- ايسمنس ايدوسكا أوفلا

مايلان خ ايزدار دوفلا --==*==-- أداسكو أيكا اينا خيلا

خ ايدليسن تكا السفلى --==*==-- نتاعرابت طايا العليا

وانا يران ايموروين --==*==-- خ ايدوسكا ديلولوين

إيبي أسيف نمزداكن --==*==-- آر ايمولا افرياضن

ايزرتالات اينكارن --==*==-- دلمدرست ايمحضارن

سين ايفاسن كانتـن --==*==-- سمون تاكاتين حقاقن

أفوس نايت ويصلان --==*==-- دوكادير نسن إيعلان

ايت يحيى ويدير لان --==*==-- أيت يعقوب أولا نتان

أفوس نايت تاسيلا --==*==-- لاحوال نمزداكن أخيلا

انزاض د ايت نكامت --==*==-- دلمدرست نتكرامت

ايت بلعيد دتلكردست --==*==-- ايت الهند د تاضافت

وعروس دأيت داود --==*==-- ولا أيت همو اوداود

أكادير نأيت مخلوف --==*==-- لامين نس ايلا ايضوف

الهاري د ايت واقتين --==*==-- وولحيان د أيت ياسين

اسركس د ايت ايمزل --==*==-- تيسلان ايسك د ايفغل

ايسماون لان فتهسروت --==*==-- واياض ايكا تمسروت

*

--==*==--

كلمات : محمد زلماضي المزالي

--==*==--

*

----------------------------------

*

--==*==--

سياحة في قبيلة مزداكـن

--==*==--

*

السلام نربي فلاون --==*==-- ايتقبيلت نمزداكن

اسيف نس أدجاورن --==*==-- خ ايكمضان نس كاورن

مصطوكة أياد كان --==*==-- خ ايدليسن أستياران

ستوتلايت واعرابن --==*==-- ليخ آر فلاس ساوالن

نيويد لاقدام سدارسن --==*==-- س لمواضيع ديكيدارن

أنبدو س ايرحالن --==*==-- ايت بوالعيش ايفرياطن

د توريرت ايكرامن --==*==-- لمدرسة سيدي عثمان

أيت عابد د تينعلي --==*==-- أيت تجون د ايت بيهي

ايت وازال د اكضي --==*==-- أكادير أوكاير خ أكني

امجاهدين نأيت عبلا --==*==-- أيت الاشكر نايت تسيلا

ايضرفان نأيت واعلا --==*==-- ايكران نأيت أولما

ايسملالن ايت همو --==*==-- أيت المهور أيت بكو

أيت بلقاسم د بوعبو --==*==-- ايت بركة د أمللــو

أيت حركوك د انهضين --==*==-- ايت فزيك د تيكيوين

أيت توخشينت تيفغلت --==*==-- أيت الحسن د اللغت

أكادير اوكاير أقبور --==*==-- توريرت نسيدي الطيفور

أكادير ن اللغت أدريخ --==*==-- د ايمي نتسيلا أسوريخ

الزيارت نسن أس كميلخ --==*==-- تامالايت تاد ليس سديخ

*

--==*==--

كلمات : محمد زلماضي المزالي

--==*==--

*

----

*

--==*==--

سياحة في قبيلة أيت وادريم

--==*==--

*
السلام نربي أس نزوار --==*==-- إياوقبيل إيكان أدجار

أنزور أيت وادريم مقار --==*==-- ياكوك الحال إيك العار

أنبدو س أيت أومغار --==*==-- د الشرفا إيكي واسكار

سيدي عبدالله بوشوار --==*==-- سيدي محمد أوتومانار

أولا أيت إيكر أمغار --==*==-- إيكي واسيف أيت كتار

أيت وادوز د تيكرار --==*==-- أكدال د تاسيلا أوهدار

توبانون د تاغرابوت --==*==-- بوملول د تاغانتوت

ايت سعيد د تامكدولت --==*==-- ايت محند. أيت تانوت

مايلان خ أيت الزاويت --==*==-- إيمدوكال نأيت تامرت

أيت خوي د تامكدرزيت --==*==-- أولا إيكي نالزاويت

أيت ايبورك د أزور --==*==-- ايت مبارك د أماكور

أغاليل د أيت الباشا --==*==-- إيفرض د أيت تيميشا

إما أيت تاهالا واسا --==*==-- د أيت الحاج ن تاغولا

مانزاتن د أيت تاسيلا --==*==-- أولا ادازن د أيت بلا

د تاوريرت ايبوركا --==*==-- د الوالي سيدي بورجا

سيدي سعيد أو عبلا --==*==-- أيت موسى د أيت إيعزا

أكرض أوكادير. بوطبل --==*==-- إيمي نتيكال د ايت عبل

أيت تاول د ايحربيلن --==*==-- أيت طالب احمد. إيمزيلن

أيت واعراب د إيضبيبن --==*==-- تانوضف زكاغن تبيين

تامدا يزران د بيكنارين --==*==-- تنطبات د إيكريردن

تاوريرت نحمو لشكر --==*==-- دار واسيف أخ تحاضر

أفولكي نايت إيموكني --==*==-- كان إي يان ما يكتي

مايلان خ أيت أوعدي --==*==-- تالات د تين الحاج علي

أيت فارس د إيمخوين --==*==-- مون كيسن إيفولكوين

أفايان د أيت أوكرام --==*==-- أيت فالاس وين أنيالكام

سيدي صالح د اكنبوش --==*==-- إيكورامن د تنبعدوش

تاروا ن سيدي يونس --==*==-- إيناراكن نأيت يوسف

أيت لمعلم، أيت لمرس --==*==-- أيت بولعساير، أسروكس

توفاوت ن أيت وادريم --==*==-- أسايس ن أيت ابراهيم

ويركي أيت ديوان --==*==-- تيوت أيت اينيان

أيت وادريم هان حودان --==*==-- س تاقبيلت إداكواران

تاقبيلت ن أيت إيلوكان --==*==-- أيت صواب خ ايفوسان

أيت مزال د أيت باها --==*==-- أيت ميلك خ تاكوتـا

إيكونكا خ أوزلماض --==*==-- خ لقبلت أيت والياض

أيت وادريم تسمون كيكان --==*==-- نتقبيلين يات تيكشران

أيت علي د إيمخيـين --==*==-- ايت توزومت د أيوسيمن

إيكالن أوقبيل كوتنين --==*==-- خ تيغزي أولا توروتين

كر واشتوكن تييوسين --==*==-- خ أودرار كين ايسوسين

*

--==*==--

نظم : محمد زلماضي المزالي

--==*==--

*

===============================

*

--==*==--

سياحة في قبيلة إيسندالن

--==*==--

*

السلام نربي إي ايسندالن --==*==-- تاقبيلت للي تون اينمالن

إيلا كيس أمود نيسملالن --==*==-- نيالكامن دايت واكاكن

سموس كيسن إيمسكدادتن --==*==-- أيت زواو د إيمولاين

أيت إيغجد د ايمخلوفن --==*==-- د أيت بركـا كولوتن

إيخنرا أنسن تيمكتيتين --==*==-- تكتيد ماخ بدان السعديين

تيليلا نس تبدا خ تيدسي --==*==-- تكا خ أومزروي إينيكي

نرا أداس نرار تينيدي --==*==-- إيتاسولت نس أف نستي

أوال فلاس راداخ ايكلي --==*==-- أنسين مايحضان خ تيفي

ايدليسن أران ما دنتيني --==*==-- أيغر يان كيس تاكوري

أورنتو يان امشتوتل --==*==-- أورتان أورد مامين نسوتل

تونين د ايت برايم --==*==-- ايت حمو د بوغانيم

ايت بن هوا د اخليصن --==*==-- اميغزر، تلوم د احربيلن

أنساقسا أيت تزروت --==*==-- يان ايران تاميورت

يان رايزر أفولكي --==*==-- أديزور ايت افنري

زريخ تاولافت نتورغت --==*==-- مايكان أنازور يولغت

أيت والو أولا اسيل --==*==-- إيموروين كان أمنتيل

الزيارت نايت انيلف --==*==-- تاميورت نس أرنيغزيف

ايسندالن خ الدودرار --==*==-- يانت الديكان أوريمرار

تاشتوكت خ اوزاغار --==*==-- تيتريت توت س لانوار

*

--==*==--

نظم : محمد زلماضي المزالي

--==*==--

*


*

--==*==--

سياحة في قبيلة تودمـا

--==*==--

*

السلام نربي فأيت تودما --==*==-- كر أيت صواب أخ تلا

أوراكوكن فأيت ايساكن --==*==-- إداكنيضيف أدن يالكامن

أكال نس أخ نماقارن --==*==-- ايسافن أولا ايدرارن

ايسلي ايكا تمي وفاتن --==*==-- دار اومزيل أولا تاكزن

زوزوان وامان أوكوكن --==*==-- لغلات لانت خ فوساون

نسوتل ايغير اووزوتن --==*==-- لحوروم ن تيزي نبنون

أماس ايكنوان أيت ايفتن --==*==-- ايقاند أمزيير أت نيسن

أيت تمازيرت ن لقصبت --==*==-- أولا تاكاتين ن تامزت

ليخ اورتا نزرا أزكور --==*==-- نزورد أنامر أوماكور

لموضع واياض ندا سيس --==*==-- كر ايغزران كافسيس

ايواليون ياضن قامان --==*==-- أتن نيني ف أكرضان

رواحاخ أنزر الروى --==*==-- خ اينرارن ن تازكى

هان تاقبيلت ن تودما --==*==-- تبيد تحاضار غاسا

زوند نتات أف يوصا --==*==-- بابنس ليخ سول ايلا

ايساول سايدارس إينا --==*==-- ايخ تفلم دارون ايجلا

*

--==*==--

نظم : محمد زلماضي المزالي

--==*==--

*

----------------------

*

--==*==--

سياحة في قبيلة ايساكـن

--==*==--

*

السلام نربي فأيت ايساكن --==*==-- كر أيت صواب ايسمانتن

دار تودما كان أدجارن --==*==-- أولا إداكنيضيف أتن يازن

غوين توزومت إيدرارن --==*==-- ضوفن لكسات أولا افاتن

لاطلاس أيكا د اوساون --==*==-- ايكوزلن د مناو ايسماون

أيتماتنخ إيساكن يوفاون --==*==-- تيويم آك أفولكي ايكاون

رشم ايبيين ف اودماون --==*==-- ايزايداس ما دنان ايماون

هيين ايجاريفن فلاون --==*==-- أوركن ايسيحل أوساون

ملا يوفا يان إيفراون --==*==-- زوند أتبير فاد أياون

أنبدو خ لمواضيع ناون --==*==-- أنساقسا فلاخبار ايبناون

أكرض أوزرو أرتمنادن --==*==-- إيكنوان خكاد أس آزن

ماخ تلام إيغيل إيبلاغن --==*==-- تالتمسن د توريرت ميركن

مايلان خ إيمي نتغزوت --==*==-- ايس هنان أيت ماغوست

إيما تيدنغي وانضرات --==*==-- تفكا لاخبار ن تاوودانت

إيلا وينتود ولا تينفيرت --==*==-- إيدليس أولا تاكضيشت

تيروف أولا أيت ناصر --==*==-- أكرض أولم، أولا أنامر

إيغيراد أولا إيغير ايفر --==*==-- ايلا واركان ايس كيضر

أورتان عمرن خ توشكا --==*==-- تيركوين سييحن خ ألما

إيما لليون فجيجن د أكني --==*==-- ايكران زكزاون خ ايميي

اللوز خ لازال د تيقي --==*==-- لخير يوجاد ايس كينكي

ما فتعوالت كانت ايساكن --==*==-- لخيار نتميزار ايبودرارن

--==*==--

نظم : محمد زلماضي المزالي

--==*==--

*


*

* * *

*

---------------------------

*

-----------

*

--==*==--

سياحة في مدينة تيزنيت

--==*==--

*

السلام نربي ف تيزنيت --==*==-- لي ڭان خ سوس تيتريت

أفولكي ن لمدون تيويت --==*==-- تزيينت ترووست تاسليت

أمزروي ندارنخ تحضيت --==*==-- تاكوست ن سوس تاقديمت

الخليفت نتكلديت تزريت --==*==-- الشان ن سوس توسيت

خ تميزار تكيت تاسعديت --==*==-- لاصل نم أس تفولكيت

كدا اومزداغ أتسرضيت --==*==-- منشك لاحكام أتسنبضيت

أسايس ن سوس أت ڭيت --==*==-- تيضاف غامان غيكليت

السور نم أس تحوديت --==*==-- لحوروم ن الدين دالنييت

تورﱡوت تيغزي تمزييت --==*==-- أتيك نم إڭوت تغليت

أورد لبنيا ن تادواريت --==*==-- ولا ايكلان نتامصريت

أولا تيملسا د تجلابيت --==*==-- د ايرڭازن أوڭلن الكميت

ديدوكان أولا تاجبيرت --==*==-- أقلمون د الرزة تومليلت

أرايخ ايمل ماد تكـتيت --==*==-- أولا ما راداخ تينيت

لمال دتسبابت دلامينت --==*==-- نقورت د وورغ ايوينت

تيزنيت أرتيني ماخ تليت --==*==-- أيا عشاق مانيس تديت

لعهد ن كراتنخ ملي ييت --==*==-- لاثر نون ايدا لاحييت

كيخد لمشوار د الزاويت --==*==-- خ تاسكاين السور تجليت

ساقسا ايفرض د تالعينت --==*==-- أولا تاركا د السينييت

أتيزنيت أنسين ما تسيكيلت --==*==-- إيزد اينموكارن ن تاقبيلت

حتا يان أوريسين لقيمت --==*==-- ايزماز دلهول لي الزرينت

مون كيس لقيود دلجميعت --==*==-- أرانت ايدليسن س لقيصت

ايرا ليستيعمار خ تيزنيت --==*==-- أستيك د تكمينس تاروميت

إيجاهد الهيبة ايبـيد كيت --==*==-- ايحرك فلاسن س النييت

منشك ن لاشياخ أتربيت --==*==-- د الطلبا ن لقرآن أتسغريت

أمارڭ مارا كيس تينيت --==*==-- تينضامين أولا تولغيت

خ واشتوكن د ايداولتيت --==*==-- ايحواشن سنكرن لعفيت

لحاج بلعيد باب نتاشيخت --==*==-- نومارڭ ايعوما الدونيت

أولا الروايس ن تاشلحيت --==*==-- د إينازورن نتامازيغت

كيكان أتيزنيت ما تفكيت --==*==-- دينمغورن ترا تمازيرت

*

--==*==--

نظم : محمد زلماضي المزالي

--==*==--

*

***

----------------



*

--==*==--
سياحة في مدينة تارودانت

--==*==--

*

السلام نربي فايت ترودانت ==*== أزاغار نسوس أخ تبايانت

أدام نهدو يات تانضامت ==*== أتك ييمزداغن يات تاراڭت

أفولكي نم ربي ايفكايامت ==*== لعرصات ڭوتن أور قلانت

اي ڭلدان مقورنين بنانت ==*== لخلايف د لقيود صرصانت

ايزري نخ أطيط لوحامت ==*== فيان لماكان ايڭا تاساراڭت

أونيخ أسايس ن تالمقلات ==*== لهري لباروض د لقصبات

لبيبان ڭوتن يان تزرڭانت ==*== واياض السلسلة مناو أدڭانت

دار الباشا لمخزن فكانت ==*== لخزاين ايدليسن أورتجلامت

أمزروي ن سوس أرانت ==*== ويد زرانين أراتن غرانت

إيما خ الدين تڭيت تاليمامت ==*== أولا لعيلم لاشياخ فلنامت

لاصل أخ تيويت تاڭرامت ==*== لعربون خ الزاويت تامنانت

منشك ن الطلبا أتسغرامت ==*== لمدارس نون أور خصانت

هان الهيبت ربي يومرامت ==*== توفان أولاون ميدن رانت

أيدارم شهرن س تاديانت ==*== لجوامع تسفلت أي تاحزابت

زويدن خ لخير طهلانت ==*== الهديت أيان ن ربي أوفانت

ايقاند السادات أتن تيسانت ==*== مقار الدان تيرا نسن لانت

ما دفلن كولو ايڭا لامانت ==*== ايدليسن ڭوتن الطلبا أرانت

لاسوار د لبروج أستلامت ==*== تياوسان سيس اينا ختلامت

أيا مزيير ايران تامالايت ==*== لمعهد أتور تتوم زرايت

خ تووري تڭيت تافلاحت ==*== دوامان خ تارڭا نتافالاڭت

ايغبولا د تيرڭوين جارانت ==*== أفلاح تايرزا نسن سالانت

قومن الغلات ما دحتاجانت ==*== لمعيشت تداوم تيڭوما هنانت

أفلا هان أدرار أولا تاڭانت ==*== كري ڭات أناو أڭيس نتاداڭت

الڭرڭاع اللوز أولا تارڭانت ==*== ايڭران نلفاكيت أولا تازارت

الرحبت تسمون ما ترجامت ==*== السوق ايعمر سكول ماترامت

ايقبيلن برمن أزبڭ ڭاناست ==*== ڭان لعمارت لامان فكاناست

يات هوارة ربي ايفكاياست ==*== شركن لهنـا أولا تاساست

تامغري ن ترودانت فلناست ==*== لاجدود د ايدباباس ناناست

*

--==*==--
نظم : محمد زلماضي المزالي

--==*==--

*
--==*==--
*
------------

*

--==*==--

سياحة في قبيلة ايدوسكا اوفلا

--==*==--

*

السلام نربي ايدوسكا أوفلا --==*==-- تاقبيلت ايلالن لقبلت أخ تلا

أدجارن نايت علي واعلا --==*==-- سووتان داخ سايت عبـلا

لمواضيع أورت نحودا --==*==-- ايكالن كراض أف تبضا

يان ڭيسن ايمسلن أس نبدا --==*==-- تاروا نويصلان د سبعميا

أيت لعطار لاصل ن ألما --==*==-- سيدي عبدالحق د تازكا

أدنزور أكتل د أيت أشنار --==*==-- نسنضفر آس ثلاث أڭنار

تيغرمان أولا أيت أونرار --==*==-- أيت تمسروت د أزغار

أمزرو د أڭرض نتيزي --==*==-- تافنكراشت د أيت أورتي

أزغار نبيهميتن د ڭضي --==*==-- تسدوغاس ن سيدي علي

أيت مليـل أولا تاڭنيت --==*==-- توبوزيد أولا تيورميت

بكـو أولا أيت تاسڭينت --==*==-- ايمليل أنامر د تيفريت

إيتوغاين د أيت مرزيت --==*==-- ايڭيدار نس أوسين تسميت

أيت ملول د الدو تڭاديرت --==*==-- أيت بن ادريس د تمرينست

سيدي عبدالله ن تومليلين --==*==-- ايت واعزيز د ايتوغاين

أولا الشرفا ن تسلناخت --==*==-- أمود ن الشيخ نتازروالت

--==*==--

نظم : محمد زلماضي المزالي

--==*==--

*

---------------------


*

--==*==--

سياحة في قبيلة الاخصاص

--==*==--

*

السلام نربي أيت الاخصاص * تاقبيلت ايزلمض نلانصاص

أمزروي نتاقبيلت ايتيارا * ايكوت مارا فلاس ننا

نبدا سلفرقت ن أيت العربـا * د الزاويت نسيدي دبوزكا

كر لمواضيع ايلا ايت عبلا * لماكان ايكا أنامر اوفلا

أنزر تادوارين ايد بركـا * دما يلان خ أيت اوفغـا

سوق ن لاخصاص ثلاثا * أولا ايفرض نيد لعربا

أدنك ايكران ايد بوالروى * أفولكي كان كولو سوى

تلا لفرقت ن أيت ايعلتن * طاياض تكا ايد بويفلن

ادودو د أيت ايزوكارن * لعمارت نايت بويزاكارن

ما يسمون لموضع ايمزيلن * لاخبار نون دار ايقديمن

لفرقت ن أيت بوياسين * تامازيرت ن تازارين

أولا تاكاتين ن ايد ياسين * ديكران ن ايد سماعين

ايد بوحماد د أيت علي * تيمولاي، ايفرض نيدعدي

ايد غازال د ايدوهاشم * أيت واسيف د ايد بنسالم

ايت سيدي علي او سعيد * أولا تالات واركان نكتيد

هان ايت ايدير نتدرارت * أولا ايزورن ن أيت تالات

ايماون ن تالات ترعمت * تالات نتيضاف د ميرغت

ناني تامسرست نترفاكت * ايت الطرف اواسيف تكات

توفنييت د ايت الدودرار * دوشبار أوكادير اومغار

تافوكت ن أنامر ايزدار * أدوصوخ أملاي أوريمرار

لاخصاص ايبضا فأسغار * أوساون ايكنان أولا أزاغار

*

--==*==--

نظم محمد زلماضي المزالي

--==*==--

*


--------------------------------

*

--==*==--

سياحة في قبيلة الزوافيط

--==*==--

*

السلام نربي أداو تنهـدو * أي ياوقبيل أورايتحودو

وانا يران الصحراء أيبدو * خ الزوافيط س ايت بكو

سيح خ الرك آر وادنون * تزورت دوار واعرون

لان ايت حماد وعلي * د ايت محمد أولا نتني

كوتن ايدوارن نزوافط * يان كيسن دوار افركط

أما اهل مبارك وسعيد * د ادولكان، ايت بوليد

ماختلام دوار العين * ديملالن ن ايت ياسين

تيورا ن اهل حايين * اهل معييف، تيبجاوين

أتزرت دوار اسرير * خ شيفاق مانيك تسكير

نرا دوار تيغمرت * أولا دوار تارمكست

أما دوار اوزرولت * د ايت بلقاسم نزورت

ايرعمان اولاد بلحويلات * كسان آر دوار زريويلات

ايكونان ن ايت مسعود * ايسافن ن اهل المحفوظ

تافوكت ن ايت الخنوس * تصفا أور تيرور أوفوس

الزوافيط أقبيل ن تاكنا * تاكوست ايصحان أستلا

*

--==*==--

نظم : محمد زلماضي المزالي

--==*==--

*






3 commentaires:

luxsous a dit…

جزاكم تالله بالخير فكم مرة دخلت الى مدونات اعلام وقبائل سوس وكم مرة قلت انك اهل لكل شكر وتقدير فكل عام وانتم بالف خير

MOHAMED ZALMADI a dit…

بعد السلام والتحية والاكرام
ومع الشكر الجزيل والتقدير الوفير لتشجيعكم الممنون على العمل المنشور في مدونة قبائل سوس وما ذلك إلا دليل على مدى اهتمامكم بحضارتنا وتأثركم بتاريخنا العريق ومرة أخرى أكرر شكري المقرون بالتهاني المباركة بحلول عيد الفطر السعيد وتقبل الله صيام رمضان علينا وعليكم وعلى جميع المسلمين وعلى المحبة والسلام

hamama_39 a dit…

أستادي الفاضل لو تساعدني بمعلومات تفيدني في إخراج شريط وتائقي حول تافنكولت و لك الشكر الجزيل
066715410
outadrart@maktoob.com

Une erreur est survenue dans ce gadget